Rəsmi Seul ABŞ liderinin Şimali Koreyanın nüvə dövləti olması barədə sözlərini pisləyib
Cənubi Koreya Xarici İşlər Nazirliyi (ABŞ) ABŞ Prezidenti Donald Trampın Şimali Koreyanın nüvə dövləti olması ilə bağlı açıqlamasını pisləyib. AYNA “The Hill”ə istinadən yazır ki, bu, Seul və Vaşinqton arasında gələcək münasibətlərlə bağlı narahatlıqları artırıb.
"Şimali Koreyanın nüvəsizləşdirilməsi beynəlxalq ictimaiyyətin, o cümlədən Cənubi Koreya və ABŞ-ın riayət etdiyi dəyişməz prinsip olaraq qalır", - Cənubi Koreya XİN-dən bildirilib.
Qeyd olunub ki, Şimali Koreya nüvə silahına malik dövlət kimi tanınmamalıdır.