Moldova Prezidenti: “Enerji, xüsusilə Moldova da daxil olmaqla, hamı üçün problem yaratmağa davam edir”
"Moldova Azərbaycanla enerji əməkdaşlığında maraqlıdır". AYNA.AZ APA-ya istinadən xəbər verir ki, bunu Moldova Prezidenti Maya Sandu Avropa Siyasi Birliyinin Sammitindən əvvəl jurnalistlərə açıqlamasında deyib.
“Biz enerji sahəsində Azərbaycanla əməkdaşlıq etməkdə maraqlıyıq. Enerji, xüsusilə Moldova da daxil olmaqla, hamı üçün problem yaratmağa davam edir. Son bir neçə il ərzində enerji mənbələrimizi diversifikasiya etmək və Rusiyadan asılılığımızı azaltmaq üçün çalışmışıq. Biz bu gün məhsuldar müzakirələr aparmağı və həll yolları tapmağı ümid edirik”, - deyə qeyd edib.