Azərbaycan və Ermənistan XİN başçılarının növbəti görüşü Rusiyada olacaq
Azərbaycan və Ermənistan xarici işlər nazirləri Ceyhun Bayramov və Ararat Mirzoyanın Moskvada da görüşü olacaq. AYNA erməni mediasına istinadən bildirir ki, bu barədə Ermənistan Parlamentinin hakim “Mülki müqavilə” fraksiyasından olan deputatı Arman Yeqoyan məlumat verib.
“Bir məsələ digərinə mane olmur. Bəli, ilkin razılıq var və bu razılığa görə, görüş Moskvada da keçirilməlidir”, - deyə deputat söyləyib.
Yeqoyan bildirib ki, Vaşinqtonda keçirilən görüşün uzun çəkməsi müzakirə olunan məsələlərin geniş spektri ilə bağlı olub.