Bakı polisindən vətəndaşlara müraciət

Xəbərlər

29.08.2019 - 12:29

"İctimai qaydanın etibarlı qorunması hər birimizin vəzifəsidir"

 

Bakı Şəhər Baş Polis İdarəsi (BŞBPİ) paytaxt sakinlərinə və jurnalistlərə müraciət edib.

 

BŞBPİ-dən AYNA-ya verilən məlumata görə, müraciətdə qeyd olunub ki, paytaxtda hərəkət iştirakçılarının - sürücülərin, piyadaların həyatına təhlükə yaradan, avtoxuliqanlıq hərəkətləri edənlərlə bağlı qanunvericilik çərçivəsində müvafiq tədbirlər davam etdirilir.

 

"Bu istiqamətdə işin səmərəli olması üçün paytaxt yollarında rastlaşdığınız ictimai təhlükəli əməllərlə bağlı polisi məlumatlandırmağı tövsiyə edirik. İctimai qaydanın etibarlı qorunması hər birimizin vəzifəsidir", deyə bildirilib. 

Müəllif: Ayna.az