Yaralılar Şabran Rayon Mərkəzi Xəstəxanasına aparılıblar
Bakı-Quba yolunda iki avtomobil toqquşub, xəsarət alanlar var. AYNA-nın "Report"a istinadən məlumatına görə, Bakı-Quba avtomobil yolunun Şabran rayonu ərazisindən keçən hissəsində “Shacman” və “Ford” markalı avtomobillərin iştirakı ilə yol nəqliyyat hadisəsi baş verib.
Hadisə nəticəsində 1976-cı il təvəllüdlü Talıbov Vəfadar Nəcəfqulu oğlu, 1980-ci il təvəllüdlü Talıbova Günay Əlhəsən qızı və onların övladı 2008-ci il təvəllüdlü Talıbov Nəcəfqulu Vəfadar oğlu müxtəlif dərəcəli bədən xəsarətləri ilə Şabran Rayon Mərkəzi Xəstəxanasına aparılıblar.
Faktla bağlı araşdırmalar davam etdirilir.