"Buster" doza üzrə vaksinasiya olunanların sayı milyon yarımı keçib
Azərbaycanda son sutkada koronavirus (COVID-19) əleyhinə 28 059 peyvənd vurulub.
Nazirlər Kabineti yanında Operativ Qərargahdan AYNA-ya verilən məlumata görə, bir gündə birinci mərhələ üzrə vaksinasiya olunanların sayı 2 641, ikinci mərhələ üzrə vaksinasiya olunanların sayı 3 109, "buster" doza üzrə vaksinasiya olunanların sayı isə 22 309 nəfərdir.
Ölkədə vurulan peyvəndlərin ümumi sayı 11 346 166, birinci mərhələ üzrə vaksinasiya olunanların ümumi sayı 5 169 382, ikinci mərhələ üzrə vaksinasiya olunanların sayı 4 676 520, "buster" doza üzrə vaksinasiya olunanların sayı isə 1 500 264 təşkil edir.
