CENTCOM əməliyyatlarla bağlı məlumat yayıb
ABŞ qüvvələri İrana son hücumunda təxminən 90 hərbi hədəfə zərbə endirib. AYNA.AZ xarici mediaya istinadən bildirir ki, bu barədə ABŞ Mərkəzi Komandanlığı (CENTCOM) məlumat yayıb.
Komandanlığın açıqlamasında deyilir: "CENTCOM qüvvələri İranın Hörmüz boğazında kommersiya gəmiçiliyinə və mülki dənizçilərə hücum etmək qabiliyyətini daha da zəiflətmək üçün İrana qarşı daha bir zərbə endirib".
Qeyd olunub ki, zərbələrin hədəfləri "İranın hava hücumundan müdafiə sistemləri, sahil kəşfiyyat vasitələri, raket və pilotsuz təyyarə anbarları, dəniz obyektləri və İran sahili boyunca hərbi logistika infrastrukturu" olub.
Məlumata görə, ABŞ ordusu dünən təxminən 80 İran hərbi hədəfinə, o cümlədən 60-dan çox SEPAH kiçik qayığına zərbə endirib və "Hörmüz boğazından keçən üç ticarət gəmisinə hücum edərək atəşkəsi pozan İrana ciddi ziyan vurub".
Komandanlıqdan bildirilib ki, "ABŞ qüvvələri İran sahili boyunca hava hücumundan müdafiə sistemləri, sahil müşahidə vasitələri, raket və dron saxlama obyektləri, dəniz obyektləri və hərbi logistika infrastrukturu da daxil olmaqla təxminən 90 İran hərbi hədəfinə zərbə endirib".