“Ukrayna və Avropanın maraqlarına və qırmızı xətlərinə zidd güzəştlərə getməyəcək”
ABŞ dövlət katibi Marko Rubio Moskvaya Avropa İttifaqı (Aİ) və Ukraynanın qırmızı xəttinə qarşı olan güzəştlərə getməyəcəyini açıqlayıb. AYNA.AZ xarici mediaya istinadən bildirir ki, bu barədə Aİ-nin Xarici İşlər və Təhlükəsizlik Siyasəti üzrə Ali Nümayəndəsi Kaja Kallas deyib.
Kallasın sözlərinə görə, Dövlət Departamentinin rəhbəri əmin edib ki, Vaşinqton “Ukrayna və Avropanın maraqlarına və qırmızı xətlərinə zidd” güzəştlərə getməyəcək.
Avropa diplomatiyasının rəhbəri ABŞ-ın NATO-ya verdiyi töhfənin əhəmiyyətindən də danışıb və Avropa dövlətlərini güclərini birləşdirməyə çağırıb.