Vasili Ximinets: “Demokratiya prinsiplərinə ziddir və müharibə təbliğatıdır”
“Vyanada İkinci Dünya müharibəsində nasizm üzərində qələbəyə həsr olunmuş “Qələbə mahnısı” adlı konsert demokratiya prinsiplərinə ziddir və müharibə təbliğatıdır”. AYNA.AZ xəbər verir ki, bu sözləri Ukraynanın Avstriyadakı səfiri Vasili Ximinets “X” sosial şəbəkə səhifəsində yazıb.
"Demokratiya və dəyərlər haqqında çox danışmaq olar, amma eyni zamanda, müharibə təbliğatı olan hadisələrə də icazə verilməməlidir" deyən diplomat konserti "ləyaqətsiz və biabırçı" adlandıraraq, onun "demokratiya və beynəlxalq hüququ" zəiflətdiyini yazıb.