“Türkiyənin rəhbərlik etdiyi minalardan təmizləmə təşəbbüsü Qara dənizdə həyata keçirilməyə başlayıb”,
Türkiyə, Rumıniya və Bolqarıstan Ukraynadan gələn taxıl gəmilərini qorumaq üçün Qara dənizdə mina axtarışı üçün birgə əməliyyata başlayıb. AYNA xəbər verir ki, bu barədə “Bloomberg” məlumat yayıb.
“Türkiyənin rəhbərlik etdiyi minalardan təmizləmə təşəbbüsü Qara dənizdə həyata keçirilməyə başlayıb”, - məlumatda bildirilib.
Qeyd edək ki, yanvarın 11-də Türkiyə Müdafiə Nazirliyi Qara dənizin minalardan təmizlənməsi qrupu çərçivəsində Rumıniya və Bolqarıstanla birgə işlərə başlandığını elan edib. Türkiyə Müdafiə Nazirliyinin rəhbəri Yaşar Gülərin sözlərinə görə, qrupun yaradılmasının səbəbi “Ukraynadakı münaqişə səbəbindən Qara dənizdə təhlükəsizlik üçün mənfi şəraitin yaradılmasıdır”.