Görüş martın 27-də baş tutacaq
DÇ-2022-nin seçmə mərhələsində keçiriləcək Norveç - Türkiyə matçının yeri dəyişdirilib.
AYNA Norveç Futbol Federasiyasının rəsmi saytına istinadən xəbər verir ki, qarşılaşma İspaniyanın Malaqa şəhərində oynanılacaq.
Bu qərar koronavirus pandemiyası ilə bağlı səyahət məhdudiyyətinə görə qəbul olunub.
Qeyd edək ki, görüş martın 27-də olacaq. Türkiyə millisi Niderland, Norveç, Monteneqro, Latviya və Cəbəllütariqlə birlikdə G qrupunda yer alıb.