Avropa Komissiyası uşaqların və yeniyetmələrin sosial mediaya çıxışını kəskin şəkildə məhdudlaşdırmağı tövsiyə edib
Avropa Komissiyası uşaqların və yeniyetmələrin sosial mediaya çıxışını kəskin şəkildə məhdudlaşdırmağı tövsiyə edir. AYNA.AZ xəbər verir ki, bu barədə Komissiya sədri Ursula fon der Leyenin xahişi ilə yaradılmış Aİ ekspert qrupu tərəfindən dərc edilmiş hesabatda qeyd olunub.
Sənəddə 13 yaşdan kiçik uşaqların sosial mediaya və digər rəqəmsal xidmətlərə müstəqil şəkildə daxil olmasının qadağan edilməsi təklif olunub. Bu xidmətlərdən yalnız nəzarət altında, valideynlərin icazəsi ilə və ya təhsil məqsədləri üçün istifadəyə icazə veriləcək.
Hesabatın müəllifləri təklif edirlər ki, yalnız ciddi təhlükəsizlik tələblərinə cavab verən platformalara 13 yaşdan yuxarı yeniyetmələrin girişinə icazə verilsin. Ayrı-ayrı Aİ ölkələri zəruri hesab etdikləri təqdirdə daha yüksək yaş həddi müəyyən edə biləcəklər.
Təşəbbüsün müəllifləri həmçinin platformalardan sonsuz yayımları, avtomatik videoları və müdaxilə bildirişlərini aradan qaldırmağı tələb etməyi təklif edirlər. Mütəxəssislər hesab edirlər ki, bütün bu elementlər uşaqlarda asılılıq yaradır.
Hesabat tövsiyə xarakteri daşıyır və Avropa Komissiyası payızda bu tövsiyələrə əsaslanan qanunvericilik təklifləri təqdim etməyi planlaşdırır.