“Ekshumasiya prosesi” mövzusunda nəzəri və praktiki təlim təşkil edilib
Beynəlxalq Qızıl Xaç Komitəsi (BQXK) Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyi ilə birlikdə Azərbaycanın aidiyyəti hakimiyyət orqanları və dövlət qurumları üçün “Ekshumasiya prosesi” mövzusunda nəzəri və praktiki təlim təşkil edib. AYNA xəbər verir ki, bu barədə BQXK-dan bildirilib.
Qeyd olunub ki, təlimin məqsədi nəzəri və praktiki biliklərin aşılanması vasitəsilə qazıntı işlərinin aparılması və insan qalıqlarının götürülməsi üçün görülən ilkin tədbirlər daxil olmaqla, məhkəmə arxeologiyası sahəsindəki ən qabaqcıl təcrübələri təbliğ etməkdir.
Bildirilib ki, təlimçilər dünya şöhrətli məhkəmə-tibbi ekspertləri Dr. Mariya Mersedes Salado Puerto və Dr. Derek C. Benediks olub.
Qeyd: Nəzərinizə çatdırmaq istərdik ki, fotoşəkillərdəki insan qalıqları real deyil.
