Qida və tütün məhsullarının istehsalında artım olub

İçki istehsalında isə 6,1 faiz azalma müşahidə olunub

Cari ilin yanvar-avqust aylarında ötən ilin müvafiq dövrü ilə müqayisədə qida məhsullarının istehsalında 13,2 faiz, tütün məmulatlarının istehsalında 2,4 faiz artım, içki istehsalında isə 6,1 faiz azalma müşahidə olunub.

Dövlət Statistika Komitəsindən AYNA-ya verilən məlumata əsasən, bu sahələrin əsas məhsullarından marqarin istehsalı 24,7 faiz, kərə yağının istehsalı 0,3 faiz, duru bitki yağlarının istehsalı isə 0,1 faiz artıb.