Peskov: “Fevralın 21-də Rusiya Prezidenti Federal Məclisdə çıxış edəcək”
Rusiya Prezidenti Vladimir Putin fevralın 21-də Federal Məclisə müraciət edəcək. AYNA TASS-a istinadən xəbər verir ki, tarixi Kremlin mətbuat katibi Dmitri Peskov açıqlayıb.
“Fevralın 21-də Rusiya Prezidenti Federal Məclisdə çıxış edəcək. Tədbir “Qonaq evi”ndə baş tutacaq”, - Peskov bildirib.
Prezidentin mətbuat katibi qeyd edib ki, Putin mesajında diqqəti müharibəyə, həmçinin iqtisadiyyat və sosial sahəyə yönəldəcək.
Qeyd edək ki, Putin sonuncu dəfə 2021-ci ilin aprelində Federal Məclisə müraciət edib. 2022-ci ildə müraciət olmayıb. Peskov bunu dövlət başçısının gərgin iş qrafiki ilə izah etmişdi.