Müğənni və yumoristin sarayını adı açıqlanmayan milyonçu alıb
Müğənni Alla Puqaçova və yumorist Maksim Qalkin (xarici agent kimi fəaliyyət göstərən şəxslərin reyestrinə daxildir) Moskva yaxınlığındakı Qryaz kəndindəki malikanələrini satıblar. AYNA xəbər verir ki, bu barədə rus mediasında məlumat yayılıb.
Alıcının əmlak üçün 1 milyard rubl ödədiyi bildirilir.
Prodüser Sergey Dvortsovun sözlərinə görə, tanınmış iş adamı ilə ötən ilin payızına qədər danışıqlar aparılıb. Lakin Puqaçova 700 milyon rubla malikanədən imtina etmək istəmədiyi üçün sövdələşmə baş tutmayıb.
Malikanənin yeni sahibinin adı açıqlanmasa da, o, sənətçilər ailəsinin yaxşı tanıdığı sahibkar olduğunu qeyd edib.
Bundan əvvəl bildirilmişdi ki, Puqaçova və Qalkin Rusiyanı tərk etdikdən sonra (xarici agent kimi fəaliyyət göstərən şəxslərin reyestrinə daxil edilib) malikanənin açarlarını sürücüləri İqor Polşkova həvalə ediblər.
Mənbələrin məlumatına görə, Polşkov 30 ildən artıqdır ki, müğənni ilə işləyir. Ondan başqa malikanəyə baxmaq üçün iki mühafizəçi qalıb.