“Azeri Light” ucuzlaşıb
Dünya birjalarında “Azeri Light” (CIF) markalı Azərbaycan neftinin qiymətində cüzi ucuzlaşma olub. AYNA xəbər verir ki, neftimizin 1 barelə olan qiyməti 0,38 dollar və ya 0,45% azalaraq 84,11 dollara bərabər olub.
Dünya birjalarında isə neft bahalaşıb. Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,11 dollar artaraq 79,87 dollar olub. Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,15 dollar artaraq 77,13 dollar təşkil edib.