Neftimizin qiyməti kəskin ucuzlaşdı

İqtisadiyyat

19.03.2021 - 10:58

“Azeri Light”ın bir barreli 65,17 dollara satılır

 

Dünya birjalarında neftin qiyməti ucuzlaşır. AYNA xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,17 dollar geriləyərək 63,11 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,12 dollar ucuzlaşaraq 59,88 dollar olub.

 

Azərbaycan neftinin qiyməti kəskin ucuzlaşıb. “Azeri Light” markalı neftin bir barrelinin qiyməti 2,42 dollar ucuzlaşaraq 65,17 dollar təşkil edib.

 

Qeyd edək ki, “Azeri Light” neftinin bir barrelinin qiyməti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

 

 

Müəllif: Ayna.az