27-31 yanvarda məktəblərdə qış tətili olacaq
Ümumtəhsil müəssisələrində qış tətilinin vaxtı açıqlanıb.
AYNA APA-ya istinadən xəbər verir ki, Elm və Təhsil Nazirliyindən bildirilib ki, “Ümumi təhsil müəssisələrində tədris ilinin müddətinin təsdiq edilməsi haqqında” Azərbaycan Respublikasının Nazirlər Kabinetinin 24 fevral 2020-ci il tarixli, 66 nömrəli qərarına əsasən, ümumi təhsil müəssisələrində 5 gün qış (27-31 yanvar) tətili müəyyən edilib.
Qeyd edirik ki, qış tətilindən sonra ümumi təhsil müəssisələrində ilk iş günü 1 fevral 2023-cü il tarixidir.
Bu qərar ümumi təhsil müəssisələrinin məktəbəhazırlıq qruplarına da şamil edilir.