“Şahzadə Gediminasın dövründən Litva hamı üçün açıq ölkə olub
Simonyte vətəndaşları ruslara və rusdillilərə qarşı dözümlü olmağa çağırıb.
Litva vətəndaşları Ukrayna ətrafında yaranmış böhrana baxmayaraq, rus və rusdilli qaçqınlara və həmvətənlərə qarşı dözümlü olmalıdırlar. AYNA TASS-a istinadən xəbər verir ki, bunu ölkənin Baş naziri İnqirida Simonyte deyib.
Siyasətçinin fikrincə, litvalılar ksenofobiyada, uşaqları isə həmyaşıdları ilə ünsiyyətdə mənfi münasibətdə günahlandırıla bilməyən insanlar olaraq qalmalıdırlar: “Şahzadə Gediminasın dövründən Litva hamı üçün açıq ölkə olub”.
Simonyte xatırladıb ki, son bir neçə ildə bir çox Rusiya və Belarusiya müxalifətçiləri, eləcə də vətəndaş cəmiyyətinin nümayəndələri Litvada sığınacaq tapıblar: “Çox vaxt rus dilində danışırlar. Biz bunu daha tez-tez eşidəcəyik. Çünki Litvaya qaçan bir çox Ukrayna vətəndaşı da rus dilində danışır”.
Bundan əvvəl Litva hakimiyyəti Rusiyanın Ukraynaya təcavüzü səbəbindən Rusiya və Belarusa qarşı təhqiqat açılmasını Beynəlxalq Cinayət Məhkəməsindən (ICC) xahiş edəcəklərini bildirmişdi. Ölkə öz könüllülərinə Ukrayna Silahlı Qüvvələrinin tərəfində döyüşməyə də icazə verib.