Baş Prokurorluq araşdırma aparır
Sumqayıtda özəl klinikalardan birində ölüm faktı baş verib. AYNA APA-ya istinadən verir ki, 1986-cı il təvəllüdlü Elbrus Hörmət oğlu Hüseynov Sumqayıtdakı "Doktor AZ" klinikasında antibiotik iynəsi vurulduqdan sonra ölüb.
Klinikadan faktı təsdiqləyiblər. Bildirilib ki, xəstəyə antibiotik probu qoyulub və bu zaman anafilaktik şok halı baş verib. Vəziyyəti ağırlaşan E.Hüseynov orada ölüb.
Prokurorluq antibiotik vurulan şəxsin ölümü faktını araşdırır. Baş Prokurorluğun Mətbuat Xidmətindən AYNA-ya bildirilib ki, faktla bağlı Sumqayıt Şəhər Prokurorluğunda araşdırma aparılır.