Hakan Fidan: “Rəisinin yaxın gələcəkdə Türkiyədə keçiriləcək Ali Əməkdaşlıq Şurasının iclasında iştirakını gözləyirik”
İran Prezidenti İbrahim Rəisinin Türkiyəyə səfəri yaxın vaxtlarda baş tutacaq. AYNA Türkiyə mediasına istinadən bildirir ki, bu barədə ölkənin xarici işlər naziri Hakan Fidan deyib.
“Biz İran Prezidenti cənab Rəisinin yaxın gələcəkdə Türkiyədə keçiriləcək Ali Əməkdaşlıq Şurasının iclasında iştirakını gözləyirik”, - deyə Fidan əlavə edib.
Xatırladaq ki, İran Prezidentinin Ankaraya səfəri noyabrın 28-nə planlaşdırılsa da, sonradan təxirə salınıb.