Qətnamənin əleyhinə səs verən 9 ölkədən biri ABŞ-dır
Gürcüstan və Slovakiya Birləşmiş Millətlər Təşkilatının (BMT) Ukrayna ilə bağlı Rusiyanı Ukraynaya təcavüzdə ittiham edən qətnaməsinin lehinə səs verib. AYNA.AZ xəbər verir ki, səsvermənin nəticəsi BMT-nin rəsmi saytında dərc olunub.
“BMT ilə Avropa Şurası arasında əməkdaşlıq” adlı qətnaməni 105 ölkə dəstəkləyib, 9-u əleyhinə səs verib. Qətnamənin əleyhinə səs verən 9 ölkədən biri ABŞ-dır.
“Rusiya Federasiyasının Ukraynaya qarşı təcavüzündən sonra Avropanın hazırda üzləşdiyi görünməmiş problemlər BMT ilə Avropa Şurası arasında əməkdaşlığın gücləndirilməsini tələb edir”, - sənəddə qeyd olunub.
Bundan əvvəl Slovakiya Parlamenti müxalif “Tərəqqiçi Slovakiya” Partiyasının Rusiyanın Ukraynadakı hərəkətlərini pisləmək təşəbbüsünü rədd edib. Həmçinin Slovakiyanın Baş naziri Robert Fiko mayın 9-da Moskvada keçiriləcək Qələbə paradında iştirak edəcəyini açıqlayıb.