Tramp Türkiyənin Suriyada apardığı əməliyyatlardan danışıb
ABŞ Prezidenti Donald Tramp Türkiyə-Suriya mövzusunda jurnalistlərə açıqlama verib.
AYNA xarici mətbuata istinadən xəbər verir ki, Tramp Türkiyəyə xəbərdarlıq etməkdən çəkinmədiyini bildirib.
“Türkiyə və kürdlər (YPG/PKK) əsrlərdir döyüşür. Biz isə artıq oradan çıxmışıq”, - Tramp qeyd edib.
Tramp ABŞ-ın ən böyük iqtisadi güc olduğunu xatırladaraq, Türkiyəyə Suriya mövzusunda sanksiya tətbiq edə biləcəklərini də vurğulayıb: “Türkiyə ilə yaxşı əlaqəmiz var, onlar bizim NATO müttəfiqimizdir. Amma onların Suriyada insanları öldürməsini istəmirəm”.