Gürcüstan “3+3” platformasının iclasında iştirak etməyəcək

“Gürcüstan çoxdan bəyan edib ki, qeyd olunan formatda təmsil olunmur”

Gürcüstan tərəfi oktyabrın 18-də İstanbulda Cənubi Qafqaz üzrə “3+3” platforması çərçivəsində keçiriləcək danışıqlarda təmsil olunmayacaq. AYNA xəbər verir ki, bu barədə Gürcüstan Xarici İşlər Nazirliyinin (XİN) Mətbuat Xidmətindən bildirilib.

“Biz İstanbulda “3+3” platforması görüşündə iştirak etməyəcəyik. Gürcüstan çoxdan bəyan edib ki, qeyd olunan formatda təmsil olunmur”, - Mətbuat Xidmətindən qeyd olunub.