“Prezident seçkilərini səbirsizliklə gözləyirik. O, getməlidir”
Fransanın Bezier şəhərinin meri Robert Menard etirazlar səbəbindən Fransa Prezidenti Emmanuel Makronu istefa verməyə çağırıb. AYNA.AZ xəbər verir ki, mer bu barədə "Le Figaro" qəzetinə verdiyi müsahibədə deyib.
"Ölkəmizdə ədəb-ərkanı qorumağı tələb edən şeylər var. Prezident seçkilərini səbirsizliklə gözləyirik. O, getməlidir. O, insanları aldatdı, yalan danışdı. Fransızları lağa qoydu və bu gün bu, bumeranq effekti yaratdı. Və Fransanı sevirsənsə, gedirsən. Prezident seçkilərini təxirə salırsan və onları altı ay əvvəl keçirirsən", - deyə o qeyd edib.
Menardın sözlərinə görə, "artıq heç kim Makrona inanmır" və onun sözləri "inandırıcılığını tamamilə itirib".
Siyasətçi həmçinin bildirib ki, artıq silah almış insanları tanıyır və Fransada "dönüş nöqtəsi" insanların "bir-birinə atəş açmağa başladığı" zaman gələcək.