Hökumət beynəlxalq mina qadağasından imtinanı təsdiqləyib
Estoniya hökuməti cümə axşamı keçirilən iclasda Piyada əleyhinə minaların istifadəsi, ehtiyatının yığılması, istehsalı və ötürülməsinin qadağan edilməsi və onların məhv edilməsi haqqında Konvensiyadan (Ottava Konvensiyası) çıxmaq haqqında qanunu təsdiqləyib. Bu barədə AYNA.AZ xarici mediaya istinadən bildirir.
“Mövcud təhlükəsizlik mühitində Müdafiə Qüvvələri bizə təhlükənin xarakterini və potensial düşmənin davranışını nəzərə alan silah sistemləri və həlləri seçməkdə əlavə çeviklik və sərbəstliyə ehtiyac duyur”, - qanun layihəsinə dair izahat qeydində deyilir.
Qeyd olunub ki, Estoniya ilə paralel olaraq Latviya, Litva, Polşa və Finlandiyada da Ottava Konvensiyasından çıxmaq proseduruna başlanılıb.