Antonio Quterreş Əfqanıstana yardım edilməsi barədə danışıb
“Əfqanıstana yardım etməliyik, əks təqdirdə bu, dünyaya baha başa gələcək, narkotik axını və terror şəbəkələrinin sayı artacaq”.
AYNA xəbər verir ki, bunu BMT-nin Baş katibi Antonio Quterreş deyib.
O, həmçinin, BMT-nin Əfqanıstandakı şəxsi heyətinin təhlükəsizliyini, mühafizəsini təmin etmək, habelə humanitar yardım və maneəsiz giriş məsələləri barədə “Taliban”la daim əlaqə saxladığını bildirib.
"Bu müəyyən bir məqamdır. Əfqanlara bu fırtınanın öhdəsindən gəlməyə kömək etmək etməsək, nəinki onlar, dünya dövlətləri bunun əziyyətini çəkəcək. Əfqanıstanda yemək, iş, insan hüquqları olmasa, əfqanlar normal həyat axtarmaq üçün evlərini tərk edəcək. Narkotik axınının artacağı, cinayətkar və terrorçu şəbəkələrin sayının artacağı ehtimalı da var. Bu, təkcə Əfqanıstanın özünə deyil, bölgəyə və bütün dünyaya mənfi təsir göstərəcək”, deyə Antonio Quterreş bildirib.