Asfalt yolda zaman keçdikcə iri çalalar və çökmələr əmələ gəlib
Astaranın dağ kəndlərinə gedən yolda sürüşmə aktivləşib. Belə davam edərsə, yol tamamilə yararsız hala düşəcək və təhlükəli vəziyyət yaranacaq.
AYNA “Baku” TV-yə istinadən bildirir ki, söhbət Təxtənəkəran - Toradi yolundan gedir.
Ölkə başçısının sərəncamı ilə 2017-ci ildə tikilərək istifadəyə verilən asfalt yolda zaman keçdikcə iri çalalar və çökmələr əmələ gəlib.
Kənd sakinləri bildirib ki, yolların bərbad vəziyyətdə olması onların gediş-gəlişində problem yaradır.