Bakıda binada yanğın olub

Hadisə

26.05.2023 - 09:28

Yanğın zamanı 3 nəfər tüstüdən zəhərlənib

Bakı şəhərinin Nizami rayonunda üçmərtəbəli yaşayış binasının 1-ci mərtəbəsində ümumi sahəsi 50 m² olan 2 otaqlı mənzilin 1 otağına yığılan məişət və taxta tullantıları 15 m² sahədə yanıb.

Bu barədə  Fövqəladə Hallar Nazirliyinin (FHN) Mətbuat Xidmətindən AYNA-ya məlumat verilib.

Qeyd olunub ki, yanğın zamanı 3 nəfər tüstüdən zəhərlənib.

Binanın qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

Müəllif: Ayna.az