Qiymətlər 2023-cü ilin oktyabrından bəri ən yüksək həddə çatıb
Avropa ölkələrində qazın qiyməti 2023-cü ilin oktyabrından bəri Rusiya yanacağının Ukrayna üzərindən nəqlinin dayandırılmasından sonra ən yüksək həddə çatıb. AYNA xəbər verir ki, bu barədə “Bloomberg” agentliyi məlumat yayıb.
"Cümə axşamı əsas qiymətlər 2023-cü ilin oktyabrından bəri ən yüksək səviyyəyə qalxıb", - məlumatda qeyd olunub.
Bildirilib ki, qiymət artımının yeganə səbəbi Rusiyadan qazın nəqlinin dayandırılması deyil. Digər səbəb, Norveçdəki LNG zavodunun kompressor nasazlığı səbəbindən bağlanmasıdır. Şirkət yalnız yanvarın 9-da fəaliyyətini bərpa edəcək.
Analitiklərin fikrincə, hazırda Avropanın qaz ehtiyatları 2021-ci ildən bəri ən sürətlə tükənir.