Şəhərin hakimiyyət orqanları qərar qəbul edib
Amsterdam şəhərinin hakimiyyət orqanları şəhərdə yeni mehmanxana və hostellərin tikintisini qadağan edən qərar qəbul edib. Bu barədə AYNA xarici mediaya istinadən bildirir.
Qeyd olunub ki, indi Hollandiyanın paytaxtında yeni otel ancaq mövcud olanlardan biri bağlandığı halda tikilə bilər.
Eyni zamanda, yenisinin köhnədən daha çox ərazisi olmamalıdır və o sələfindən ekoloji xüsusiyyətlərinə görə daha yaxşı olmalıdır.
Şəhər hökumətinin qərarında deyilir ki, şəhərin həm qonaqları, həm də sakinləri üçün rahat qalması üçün orada gecələyən turistlərin sayı ildə 20 milyonu keçməməlidir.
Avropanın ən məşhur turizm məkanlarından biri olan Amsterdam son illər turistlərin sayını azaltmağa çalışır. Onların fikrincə, şəhərin mərkəzində o qədər turist var ki, onlar vətəndaşların gündəlik həyatına mane olurlar. Bundan əlavə, şəhər rəhbərliyi turizmin yenidən qurulmasına nail olmaq istəyir: şəhər qonaqları arasında zəngin mədəniyyət və tarix bilicilərinin sayını artırmaq və ucuz turların, eləcə də yoxsul gənclərin, seks turistlərinin və həvəskarlarının faizini azaltmaq.
Bir il əvvəl Amsterdam merinin müavini Sofian Mbarki paytaxtda kütləvi turizmin məhdudlaşdırılmasına yönəlmiş tədbirlər paketi təklif etmişdi. Digər məsələlərlə yanaşı, Amsterdamın “qırmızı işıqlar” səmtində qanuni əxlaqsızlıq yuvalarının fəaliyyətini məhdudlaşdırmaq və gələcəkdə onun tamamilə şəhər kənarına çıxarılması, eləcə də şəhərin mərkəzində spirt satışının məhdudlaşdırılması təklif edilib.