Rouz Qottemüller: “ABŞ Avropada nüvə silahlarını onların yayılması riskini azaltmaq üçün yerləşdirdi”
“Soyuq müharibə” dövründə ABŞ nüvə silahlarını Avropadakı NATO müttəfiqlərinin ərazilərində yalnız onların yayılması və öz nüvə arsenallarının yaranması risklərini azaltmaq üçün yerləşdirdi”. AYNA xarici mediaya istinadən bildirir ki, bunu ABŞ dövlət katibinin silahlara nəzarət üzrə keçmiş müavini Rouz Qottemüller deyib.
“Birləşmiş Ştatlar Avropadakı NATO müttəfiqləri qarşısında genişləndirilmiş yayınma öhdəliyinin bir hissəsi olaraq, genişləndirilmiş yayındıcırılıq missiyasının bir hissəsi olaraq həqiqətən də silahlar yerləşdirdi. Bu missiya 1960-cı illərdə Nüvə Silahlarının Yayılmaması Müqaviləsi (NPT) danışıqlarından irəli gəlir. O zaman SSRİ NATO ölkələrinin, xüsusən də Almaniyanın öz nüvə silahı proqramını inkişaf etdirməsi və onlara ev sahibliyi etməsi ilə bağlı çox narahat idi”, o xatırladıb.
Qottemüller qeyd edib ki, NPT bir çox NATO tərəfdaşlarına öz ərazilərində nüvə silahı əldə etməyə və yerləşdirməyə mane olub.
İyunun 3-də “Financial Times” bəzi Qərb rəsmilərinin Rusiya ərazisinə zərbələr endirmək üçün Ukraynaya ötürülən silahların istifadəsinə icazə verməklə bağlı Qərbin hərəkətlərinə Rusiyanın mümkün nüvə reaksiyasından hələ də narahat olduğunu bildirib. Eyni zamanda, qeyd olunub ki, Rusiya hərbi doktrinasında Şimali Atlantika Alyansı ilə birbaşa toqquşma zamanı nüvə silahının operativ şəkildə tətbiqi nəzərdə tutulur.