Şəhid doğulduğu Ulacalı kəndində dəfn olunacaq
Qarabağda keçirilən lokal antiterror tədbirlərində ağır yaralanan Daxili İşlər Nazirliyinin Çevik Polis Alayının polis nəfəri Əzizbəy Etibar oğlu Muradov şəhid olub. AYNA xəbər verir ki, Muradov bu gün vəfat edib.
Şəhidin dəfn mərasimi Sabirabad rayonunun Ulacalı kəndində olacaq.
Məlumata görə, Əzizbəy Muradovun musiqi təhsili də olub. O, 44 günlük Vətən müharibəsində işğaldan azad olunmuş ərazilərdə piano və qarmonda ifaları ilə məşhurlaşıb.
Əzizbəy Muradov Vətən müharibəsindən sonra "Cəbrayılın azad olunmasına" görə medalı ilə təltif edilib.