Xətai və Suraxanının qaz təchizatında fasilə yaranacaq

Xəbərlər

20.11.2023 - 09:40

Abadlıq işləri ilə əlaqədar qaz tənzimləyicinin və qaz xəttinin yeri dəyişdirilir

Xətai rayonunun N.Rəfiyev küçəsində abadlıq işləri ilə əlaqədar qaz tənzimləyicinin və qaz xəttinin yerinin dəyişdirilməsi, eləcə də Suraxanı rayonunun Qaraçuxur qəsəbəsinin K.İsmayılov və Mədən küçələrinin kəsişməsində yerləşən yaşayış binasına çəkilmiş qaz xəttinin şəbəkəyə qoşulması məqsədi ilə 20.11.2023-cü il tarixdə saat 10:00-dan etibarən işlər başa çatanadək “Şüşə” orta təzyiqli qaz kəmərində və “Əhmədli” qaz kəmərində qaz təchizatının dayandırılması planlaşdırılır. AYNA xəbər verir ki, bu barədə “Azəriqaz” İstehsalat Birliyindən bildirilib.

Qeyd olunub ki, təmir işləri aparılan müddətdə Xətai rayonunun Ağ Şəhər, M.Mehdizadə, S.Orucov, İ.Orucov, F.Bayramov, Natiq Əliyev, Afıyəddin Cəlilov, N.Rəfiyev küçələrinin, həmçinin Xocalı və Babək prospektlərinin bir hissəsinin, Suraxanı rayonunun isə Qaraçuxur qəsəbəsinin qaz təchizatında müvəqqəti fasilə yaranacaq.

Müəllif: Ayna.az