Virusa yoluxanların sayı 11 min 411 nəfərə çatıb
Ukraynada son sutkada 550 nəfər koronavirusa tutulub. AYNA-nın xəbərinə görə, bu barədə ölkənin Səhiyyə Nazirliyi məlumat yayıb.
Nazirliyin açıqlamasında qeyd edilib ki, Ukraynada koronavirusa yoluxanların sayı 11 min 411 nəfərə çatıb. Ölkədə son sutka ərzində koronavirusdan 7 nəfər ölüb.
Ümumilikdə, koronavirusdan ölənlərin sayı 279 nəfərə çatıb. Yoluxanlardan 1498 nəfər tam müalicə olunaraq evlərinə buraxılıb.
Qeyd edək ki, Ukraynada mayın 11-dək bütün beynəlxalq uçuşlar dayandırılıb, karantin elan edilib.