Le Pen: “NATO-nun imkanları olmadan Ukrayna Rusiyanı hərbi cəhətdən məğlub edə bilməyəcək”
Üçüncü Dünya müharibəsi NATO-nun Ukraynaya münaqişədə yardım etməsi şərti ilə başlayacaq. AYNA xarici mediaya istinadən xəbər verir ki, bu barədə Fransa Parlamentindəki ifrat sağçı fraksiyanın lideri Marin Le Pen deyib.
“Ukrayna qalib gələrsə, bu, NATO-nun müharibəyə girməsi deməkdir. Mən əminəm ki, NATO-nun imkanları olmadan Ukrayna Rusiyanı hərbi cəhətdən məğlub edə bilməyəcək. Bu isə o deməkdir ki, Üçüncü Dünya müharibəsi başlayacaq”, - deyə o bildirib.