Qəza nəticəsində 5 hərbçi ölüb: bir hərbçinin axtarışı davam edir
Türkiyənin İsparta vilayətində iki hərbi helikopter toqquşub. AYNA xəbər verir ki, bu barədə “Doğan” xəbər agentliyi (DHA) məlumat yayıb.
“Hərbi helikopterlər İspartanın Keçiborlu rayon mərkəzində yanacaqdoldurma məntəqəsinin yaxınlığında toqquşublar”, - məlumatda qeyd olunub.
Bildirilib ki, hadisə yerinə təcili yardım və yanğınsöndürmə briqadası göndərilib.
Qeyd olunub ki, qəza nəticəsində 5 hərbçi ölüb. Bir hərbçinin axtarışı davam edir. Həlak olan hərbçilərdən biri generaldır.