Malatya vilayətində 5,3 maqnitudalı baş verən zəlzələ nəticəsində bir tərk edilmiş bina dağılıb
Türkiyənin Malatya vilayətində 5,3 maqnitudalı baş verən zəlzələ nəticəsində bir tərk edilmiş bina dağılıb.
AYNA-nın APA-ya istinadən məlumatına görə, bu barədə Malatya valisi Hulusi Şahin bildirib.
O, bir neçə nəfərin yaralandığını, lakin başqa dağıntıların olmadığını da vurğulayıb.
Qeyd edək ki, Türkiyənin Malatya vilayətinin Yeşilyurt rayonunda 5,3 maqnitudalı zəlzələ baş verib.
Zəlzələ yerli vaxtla saat 20:48-də 7 km dərinlikdə qeydə alınıb. Yeraltı təkanlar ətraf rayonlarda da hiss olunub.