Ermənistanla münasibətləri normallaşdırmaq məqsədilə xüsusi nümayəndə təyin edilib
Türkiyənin ABŞ-da səfiri olmuş Sərdar Kılıç Ermənistanla münasibətlərin normallaşması istiqamətində danışıqlar üçün xüsusi nümayəndə təyin olunub.
AYNA-nın Anadolu Agentliyinə istinadla xəbərinə görə, bu barədə Xarici işlər naziri Mevlud Çavuşoğlu bildirib.
Qeyd edək ki, Sərdar Kılıç 1958-ci ildə Samsunda anadan olub.
O, 1980-ci ildə Ankara Universitetinin Siyasi Elmlər Fakültəsini bitirib. 1984-cü ildən diplomatik xidmətdədir.
Serdar Kılıç müxtəlif illərdə Türkiyənin Livan (2008-2010), Yaponiya (2012-2014) və ABŞ-da (2014-2021) səfiri kimi çalışıb. Diplomat həmçinin 2012-2014-cü illərdə Türkiyə Milli Təhlükəsizlik Şurasının Baş katibi postunda çalışıb.