"Bu il Azərbaycandan Avropaya qaz nəqlində 30 faiz artım gözlənilir"
Dünyada təbii qazın ən çox idxal edildiyi Avropa bazarına birbaşa çıxış əldə edən Azərbaycan öz ixrac imkanlarını şaxələndirmiş oldu. Bu, ölkə iqtisadiyyatına əlavə dəyər qazandırmaqla yanaşı, həm də Azərbaycanın Avropanın etibarlı təbii qaz təchizatçısı kimi mövqeyini gücləndirməkdədir.
SOCAR-dan AYNA-ya bildirilib ki, 2022-ci ildə Avropaya 10,5 milyard kubmetr həcmində Azərbaycan qazının nəqli nəzərdə tutulur. Bu, 2021-ci il ilə müqayisədə təqribən 30 faiz artım deməkdir.