Peskov: “Təəssüf ki, analoji həvəsi Ukrayna tərəfdə görmürük”
Rusiya və Ukrayna nümayəndələri arasında danışıqların növbəti raundu bu gün keçiriləcək. AYNA TASS-a istinadən bildirir ki, bu barədə Kremlin mətbuat katibi Dmitri Peskov deyib.
“Danışıqlar bu gün davam etməlidir. İndi danışıqların gedib-getmədiyini bilmirəm, amma bu gün bu və ya digər istiqamətdə danışıqlar getməlidir”, - Peskov vurğulayıb.
Kreml rəsmisinin sözlərinə görə, Rusiya nümayəndə heyəti bütün sutka ərzində danışıqlara hazırdır: “Təəssüf ki, analoji həvəsi Ukrayna tərəfdə görmürük”.
Qeyd edək ki, bu, nümayəndələrin sayca 6-cı görüşü olacaq. Bundan əvvəlki görüşlərdə hansısa ciddi nəticə əldə edilməyib.