Batken sakinlərinin qarşıdurma zamanı dağılmış evləri dövlət hesabına bərpa ediləcək
“Yaxın gələcəkdə Qırğızıstanın Tacikistanla silahlı sərhəd qarşıdurmasının baş verdiyi Batken vilayətinə xüsusi status veriləcək”. AYNA TASS-a istinadən xəbər verir ki, bu barədə Qırğızıstanın Baş naziri Ulukbek Maripov bölgəyə səfəri zamanı bildirib.
Baş nazir qeyd edib ki, müvafiq qərarı imzalayıb və Parlamentə baxılması üçün göndərib: “Qəbul edilən kimi Batken bölgəsi vergi güzəştləri daxil olmaqla xüsusi status alacaq”.
Bununla yanaşı, Maripov bölgə sakinlərinin qarşıdurma zamanı dağılmış evlərinin dövlət hesabına bərpa ediləcəyinə söz verib.