“Bu gün sizə siyasətdən getmək qərarım barədə məlumat vermək istəyirəm”
Gürcüstanın hakim “Gürcü Arzusu - Demokratik Gürcüstan” Partiyasının sədri, keçmiş Baş nazir İrakli Qaribaşvili siyasətdən getdiyini açıqlayıb. Bu barədə AYNA.AZ gürcü mediasına istinadən bildirir.
Qaribaşvili brifinqdə deyib: “Bu gün sizə siyasətdən getmək qərarım barədə məlumat vermək istəyirəm. Son bir neçə həftə ərzində mənim gələcək siyasi fəaliyyətimlə bağlı spekulyasiyalar səngimir və buna görə də cəmiyyət qarşısında mövcud suallara hərtərəfli cavab verməyə borcluyam”.