Qərarın 2023-cü ilin əvvəlində veriləcəyi bildirilib
ABŞ-ın keçmiş Dövlət Katibi Maykl Pompeo 2024-cü il seçkilərində Respublikaçılar Partiyasından prezidentliyə namizədliyini irəli sürəcəyini istisna etməyib.
AYNA xarici KİV-ə istinadən xəbər verir ki, o, bu haqda Afinada keçirilən “Economist” konfransı zamanı danışıb.
Pompeo suala cavab olaraq konkret qərarın 2023-cü ilin əvvəlində veriləcəyini bildirib.
Qeyd edək ki, Maykl Pompeo 2018-ci ilin aprelindən 2021-ci ilin yanvarına qədər Donald Tramp administrasiyasında dövlət katibi olub.