Tehran Vaşinqtonu ələ saldı

Dünya

02.07.2019 - 13:47

Məhəmməd Cavad Zərif Ağ Evin xəbərdarlığına belə reaksiya verib: “Doğurdan?”

 

İranın Xarici İşlər naziri Məhəmməd Cavad Zərif, ABŞ-ın zənginləşdirilmiş uranla bağlı xəbərdarlığına bir sözlə cavab verib.

 

Belə ki, İranın zənginləşdirilmiş uran limitini artıracağı ilə bağlı qərarı ABŞ-ın sərt reaksiyasına səbəb olub. Ağ Evdən yayılan açıqlamada Tehranın zənginləşdirilmiş uran limitini keçməsinin qarşısının alınacağı bildirilib.

 

Zərif isə, şəxsi “Twitter” hesabında Ağ Evin açıqlamasına belə reaksiya verib: “Doğurdan?”.

 

Xatırladaq ki, İran hökuməti zənginləşdirilmiş uran limiti ilə bağlı dəyişiklik etdiyini, bu limitin 300 kq-dan daha çox olacağını açıqlayıb. Bundan sonra ABŞ rəhbərliyindən qərara sərt reaksiya verilib.

Müəllif: Ayna.az