Marsa insan göndərməyi planlaşdıran NASA hazırlıqlara başlayıb
AYNA xarici mediaya istinadən xəbər verir ki, ABŞ Kosmos və Aviasiya İdarəsi (NASA) 2037-ci ildə həyata keçirilməsi planlaşdırılan Mars layihəsi üçün adamlar axtarır.
ABŞ Kosmik Agentliyi Mars Dune Alpha ICON tərəfindən çap edilmiş 1700 kvadrat metrlik 3D-modulun içərisində yaşayacaq “yüksək motivasiyalı şəxslər” axtardığını açıqlayıb. NASA-dan verilən açıqlamada hazırlanan Mars simulyasiyasında 1 il yaşamaq istəyən kişi və qadınları gözlədikləri və müraciətlərin başladığı bildirilib. Proqram birincisi 2022-ci ildə başlayan üç simulyasiyadan ibarətdir. Ümumilikdə 1 il davam edəcək proqramın iştirakçıları özünü tamamilə Mars mühitində yaşadıqlarını hiss edəcəklər.
Proqramda iştirakı üçün 30-55 yaş aralığında olan şəxslər axtarılır. NASA açıqlamasında bu proqramın Marsda yaşamağın çətinliklərini özündə ehtiva edəcəyini bildirib. Buraya ünsiyyət problemi, resurs məhdudiyyəti, ətraf mühitin stress faktoru və s. daxildir.
Nəticələrin sistemləri yoxlamaq və həllər hazırlamaq üçün əhəmiyyətli elmi məlumatlar verəcəyi gözlənilir.
Müraciətlər NASA-nın saytında 7 avqustdan rəsmi olaraq başlayıb və 12 sentyabr 2021 -ci ilə qədər davam etməsi planlaşdırılır. İştirak etmək istəyənlərin 30-55 yaşları arasında olması, STEM üzrə magistr dərəcəsi alması və ən azı iki il müvafiq peşə təcrübəsinə sahib olması tələbi var. İştirakçılar NASA-nın uzunmüddətli uçuş astronavt simulyasiyasından keçməli və COVID-19 peyvəndini tamamlamalıdırlar.