“Mən həyata keçirdiyim təcrübələri bölüşəcəyim “qapalı teleqram kanalı” yaratmağa qərar verdim”
Rusiyada yaşayan azərbaycanlı milyoner Hüseyn Həsənov uğurlarından və həyat tərzindən ruhlanan insanları öz “bandası”na qoşulmağa dəvət edir. AYNA xəbər verir ki, bunun üçün Moskvanın ən zəngin azərbaycanlı bloqeri qiymət müəyyən edib: 1 ay - 15 dollar, 6 ay - 78 dollar, 12 ay - 120 dollar.
Bloqerin dəstəsinə qoşulmağın mahiyyəti Hüseynin yaratdığı qapalı “Telegram” kanalına abunə olmaqdır.
O, fikrini belə izah edir: “Mən öz fikirlərimi, həyat tərzimi, oxuduğum kitabları, dinlədiyim mahnıları və məqsədlərimə nail olmaq üçün həyata keçirdiyim təcrübələri bölüşəcəyim “qapalı teleqram kanalı” yaratmağa qərar verdim. Xəyal həyatı kiçik şeylərdən ibarətdir və mən sizə uğurumun nədən ibarət olduğunu göstərəcəyəm”.
Həsənov həmçinin söz verir: “Özümü inkişaf etdirməyim, həyatda çətinliklərin öhdəsindən necə gəldiyimi və buna baxmayaraq, hədəflərimə doğru irəliləməyə necə davam etdiyimi sizə danışacağam. Eyni zamanda başa düşürəm ki, məni böyük və fərqli bir auditoriya izləyir və bu, hamının marağına səbəb olmaya bilər. Çünki bir çoxunuz mənim yaşadığım həyatı görüb və ya çəkdiyim videolara baxmısınız”.
Və o, vurğulayır: “Bu yaxınlarda dostum mənə dedi: “Qardaş, səni müxtəlif cür qəbul etmək olar, amma həyatın həqiqətən ruhlandırıcıdır. Bir çox gənc sənin sahib olduğun populyarlıq, maliyyə imkanları və sosial dairə haqqında xəyal edir. Səni bu vəziyyətə gətirənin nə olduğunu insanlarla bölüşsən yaxşı olar”.
Daha sonra bloqer abunəçilərinə Dubay Şeyxinin kitabında insanlara, liderlərin formalaşmasına səy sərf etməsi fikrini oxuduğunu və bunun onu ruhlandırdığını etiraf edib.
Amma Hüseyn Həsənov insanlara bunları ödənişsiz danışmamaq qərarına gəlib: “Mən aylıq abunə qiymətini hamı üçün münasib etdim - 15 dollara (bir neçə fincan qəhvə). Bu, həyatınıza ən sərfəli sərmayələrdən biridir. Bu kanal mənim həyatınıza töhfəmdir. İnanıram ki, bu, sizə daha çox güvən verəcək”.
Xatırladaq ki, bu yaxınlarda Hüseyn Həsənov müsahibəsində abunəçilər arasında “Sea Breeze Resort”da mənzil uduşunu keçirəcəyini vəd etmişdi.
