2 nəfər ölüb, 6 nəfər xəsarət alıb
Noyabrın 3-ü Mingəçevir şəhəri ərazisində “Mercedes Viano” və “VAZ-2107” markalı avtomobillər toqquşub. AYNA-nın APA-ya istinadən xəbərinə görə, nəticədə "Mercedes"-in sürücüsü Elgiz İsmayılov, sərnişinləri- 1980-ci il təvəllüdlü Əlzamin Mirzəyev, arvadı 1990-cı il təvəllüdlü Xəyalə Mirzəyeva, 1973-cü il təvəllüdlü Təyyub Məhərrəmov, 1992-ci il təvəllüdlü Nuranə Mustafayeva, 1983-cü il təvəllüdlü Habil Həbliyev, eləcə də sonuncunun azyaşlı oğlu xəsarət alıb və arvadı, 1989-cu il təvəllüdlü Yasəmən Həbliyeva isə aldığı xəsarətlərdən hadisə yerində ölüb.
Mingəçevirdəki qəzada xəsarət alan azyaşlı da ölüb. Həkimlərin səyinə baxmayaraq 2020-ci il təvəllüdlü Adəm Həbliyevi xilas etmək mümkün olmayıb.
Daxili İşlər Nazirliyinin (DİN) Mətbuat Xidmətinin Şəki regional qrupundan AYNA-ya bildirilib ki, ölüm və xəsarətlə nəticələnən yol-nəqliyyat hadisəsi ilə bağlı Mingəçevir Şəhər Polis Şöbəsində cinayət işi başlanılıb, araşdırmalar davam etdirilir.