“Sizcə, biz eyni vəziyyətdə olsaq seçki keçirərdikmi?”
“Ukrayna lideri Volodimir Zelenskini səlahiyyət müddətinin başa çatmasına baxmayaraq, seçkilərdə seçilmiş legitim dövlət başçısıdır”. AYNA xəbər verir ki, bu sözləri Fransa Prezidenti Emmanuel Makron BFM TV-yə müsahibəsində deyib.
“Sizcə, biz eyni vəziyyətdə olsaq seçki keçirərdikmi?”, dövlət başçısı sual edib.
Makron Zelenskini “demokratiyanın meyvəsi” adlandırıb və hesab edir ki, prezident və parlament seçkilərinin keçirilməməsi qərarına ölkənin müharibə şəraitində olması səbəb olub.
Fransa Prezidenti əlavə edib ki, Avropa İttifaqı (Aİ) hərbi əməliyyatlar başa çatdıqdan sonra Ukrayna üçün “daha çox demokratiya” istəyir.